Cavite hanggang Ilokos Norteee!

 

     

Arkilado ang inyong lingkod at kami ay tumungo sa parteng dulo ng Luzon. Isang masaya, kakaiba at nakakapagod sa mahabang pagmamaneho. Para sa ikasisisya ko, isinulat ko ang mga lugar na tinigilan at pinuntahan naming.

00”Km

Eksakto ala singko ng hapon, Huwebe Santo ng kami ay mapadaan sa Luneta at nireset ko ang kilometrahe ng van. Sakto 00Km post, mula dito kulang kulang limang daan kilometro hanggang Laoag, Ilokos Norte. Dito sa Luneta nag uumpisa ang lahat kung saan andito si Gat Jose Rizal. Isang nakaaaaaaaaapagod at mahabang pagmamaneho! Hehehhe..

Tarlac, Tarlac

7:10pm ng gabi, Ika 127km na din ang tinakbo ko at lagpas na kami sa mismong bayan ng tumigil kami sa gasoline station upang maghapunan. Empre oras din para akoy makapag pahinga. Hehehehe..

Ilokos Sur! As for sure!

Tarlac, Pangasinan, La Union! Mag ala-una na nga madaling araw marating naming ang bayan ng San Ildefonso, parte na ito ng Ilokos Sur. 409km na din ang aking nalakbay. Dito may kamag anak yun isang kasama ko. Kumain ulet at nag pahinga. At para makasiguro na ligtas kami, nagpasya na magpahinga muna ditto. Aguy! Di pa ako antok pero paglapat ng likod ko sa sahig, harok agad ang puwit! Hihii pagkatapos ay “huy gising aalis na ulet tayo!

Welcome Ilokos Norteeee!!

Madilim pa ng kami ay tumulak ulet, napawi ang aking pagkabagot ng makita ko ang arko “Welcome Province of Ilokos Norte” Dito inaliw ko ang paligid, kasabay ng pagsikat ng araw, nalanghap ko ang simoy ng hangin nito. Mga taniman ng tabako ang bumati sa akin. Mag alas-syete na ng umaga, 485Km ng marating naming ang bayan ng Laoag. Tumigil ulit kami sa kamag-anak ng sakay ko. Nakahanda na din ang pagkain nila, na pambaon sa Pagudpod. Sumaglit din kami sa palengke para sa iba pang kailangan. Maganda ang Laoag, bukod sa maunlad ang bayan ito ay kapansin pansin ang kalinisan nito. Hmmm may pirated CD din kay dito?

Higanteng Elesi

Nabagot ako sa bayan ng Burgos habang kami ay patungo sa Pagudpod. Abay! ang haba ng natakbo eh Burgos pa din! Hehehe.. ng marating ko an gang bayan ng Bangui, kami daw ay malapit na, tumigil kami sa isang view deck upang ipakita sa amin ang higanteng Elisi. Ay akoy natuwa dine! Ay kaganda! tanaw na tanaw pati ang dagat ng China patiang bayan ng Pagudpod. A-re daw mga elisi ay pinag kukunan ng kuryente. Ang sabi sa akin buong Ilokos Norte daw, tutoo kaya yun? Kasi nun itanong ko kung mura lang ang kuryente parang nde rind aw eh! Hehehe.. ako yatay niyayabang ng kausap ko.

Pagud na, Pudpod pa!

Whoah! 564Km, dulo daw ito ng Ilokos Norte ang sunod na daw ay Cagayan! Pagudpod, iniisip ko dahil sa layo nito sa Maynila, pagod ka na, pudpod pa! hmmm tinanong ko kung bakit Pagudpod kaso nde nasagot eh! Hehehe… Ako na lang ang nakatuklas, isa itong paraiso para sa akin, nakaharap sa Dagat ng China, napakalinaw na tubig at luntian ang kalangitan, isama mo pa diyan ang maputi at pino din buhangin. Kaya pala binasagan syang Boracay of the North. Kahit pagod ka at pudpod na pagdating mo dito, kakaibang pang alis pagal ang sasalubong sa iyo dito! Isang paraiso din maituturing!

1293Km

Sa kabuuan, kakaibang road trip kung baga ang naranasan ko, Pumunta pa kami sa Disyerto ng Cataban, ilog sa Solsolan, Museyo ni Marcos sa Batac, Nakita ko din ang yaman ni Chavit Singson (Baluarte) at Lumang mga bahay ng Vigan pagkatapos kami’y suminsay pa sa Manaoag bago tuluyang bumalik ng manila at cavite. Isang libo’t dalawang daan, siyamnapu’t tatlo kilometro ang aking natakbo sa loob ng tatlong araw. Tatlong araw na puno ng ligaya at antok, kakaibang tanawin at mga bagong kaibigan .

mga larawan